Hugarflug

mánudagur, febrúar 28, 2005

Heimildarmyndin um Binna í Gröf sýnd í gærkvöldi.

Sigmar Gíslason og Jón Hermannsson stóðu að þessari mynd og fannst mér hún vel heppnuð. Og langar mig til þessa að óska þeim báðum hjartanlega til hamingju með myndina. Þetta hefur verið ákaflega mikil vinna að fara yfir allt þetta myndefni.Viðmælendur komust vel frá sínu, þótt kannski hefðu mátt vera meir af skemmtilegum sögum,sem spunnust í kringum manninn.

Til hamingju Simmi bróðir.....Þú varst upphafsmaðurinn að þessu og hrintir þessu í framkvæmd á meðan við hin töluðum bara um það.

Kata - 14:04 -

Fékk Digital myndavél í afmælisgjöf frá Auðunn ,Katrín Evu og Bjarka.
Ég er afskaplega ánægð með myndvélina, henni fylgdi svo stórt kort að ég get tekið 200 myndir á bestu gæðum. Tók hana með mér upp í bústað um helgina til að taka myndir af framkvæmdunum þar.

Auðunn á fullu við smíðarnar. Loksins kommnir skápar :)

Horft inn að borðkrók og skápurinn fyrir skenkinn kominn upp.

Skáparnir kommnir á sinn stað.

Yndislegt að orna sér og stara í glæðurnar á kamínunni.

Kata - 13:36 -

sunnudagur, febrúar 20, 2005

Hér er hún Indiana 7 ára.

Mér hefur alltaf þótt þessi mynd af henni svo frábær.

Við ætluðum að fara mála íbúðina uppi á Hólagötu 44 og ég hugsaði með mér...

Gaman að gera eitthvað skemmtilegt áður,klæddi systurnar þrjár í "málingagalla"

og málaði þær og sagði að við mættum skreyta þetta eins og við vildum.

Listagyðjunni sleppt lausri. Að vísu urðu teppin líka máluð óvart en þetta var gaman, og þeim fannst þetta æðislegt. Elsku Indiana mín......ég sakna þín.

smelltu á mynd til að sjá stærri , hún er þess virði !

Kata - 18:48 -

Villta dýralífið í London.

Við komum í byrjun desember, veðrið var eins og nokkuð heit sumarnótt á Íslandi. Grasið var grænt enn.Laufin aðeins farin að falla á trjánum. Heitara úti en inn í húsinu sem Indíana býr í. Hrollkalt þar...

Arinn í tveimur herbergjum sem ætlaður hefur verið til að brenna kolum, í húsi sem byggt var um aldamótin, engin einangrun. Það má ekki lengur brenna kolum í Englandi og dýrt að kynda.

Þegar Alex var hér, og kom í bústaðinn í sveitinni,sagði ég honum stolt af tófu sem var þar nærri og virtist alveg standa á sama um hvað sauðfjárbændum finnst um hana ...var bara þarna róleg niður á túni. Mjög grobbin hvað þetta væri nú allt "eðlilegt og náttúrlegt hér á Íslandi"Villta lífið alveg í túngarðinum í sveitinni...hehe. Honum fannst ekki mikið til um það og sagði að það væru fullt af refum í London í almenningsgörðunum og væru hálfgerð plága, því þeir færu svo í ruslatunnurnar. *eg trúði honum með semingi.....en....Þetta er alveg rétt, þessa mynd tók í ég í bakgarðinum hjá Indíönu.

Refir út um allt...tætingslegir, og druslulegir, líkastir villtum hundum sem hafa sætt sig við tilveru mannsins því þeir geta étið úr tunnunum þeirra. Betra að lifa í borgunum, heldur en að vera hundeltur af "aðlinum" í sveitum á refaveiðum. Dýrin sáu við manninum ;)